شروط الاستخدام
آخر تحديث: 2026-10-27
هالشروط بين رونق والمغسلة اللي تسجّل في النظام، وتنطبق خلال فترة التجربة.
فترة التجربة
- الاستخدام مجاني خلال التجربة. وما نبدأ أي اشتراك مدفوع إلا بعد ما نتفق معك عليه.
- النظام قيد التطوير، وممكن تتغيّر بعض الشاشات أو الخصائص.
- نسوي كل جهدنا عشان يشتغل النظام بدون انقطاع، بس ما نضمن هالشي خلال التجربة.
مسؤولية المغسلة
- صحة الأسعار والفواتير والضرائب اللي تدخلها مسؤوليتك.
- تبلّغ عملاءك إنك تحفظ بياناتهم في النظام، وتستخدمها بس لخدمتهم.
- تحافظ على كلمات المرور، وتحذف حساب أي موظف يترك الشغل.
- ما تستخدم النظام في شي مخالف للقانون.
بياناتك
- بيانات المغسلة وعملائها ملكك. تقدر تصدّرها في أي وقت من التقارير (CSV).
- تقدر توقف الاستخدام في أي وقت، وتطلب حذف بياناتك.
- التفاصيل في سياسة الخصوصية.
التواصل
- نتواصل معك أحيانًا عشان ناخذ ملاحظاتك ونطوّر النظام. ولو تغيّرت هالشروط نبلّغك قبلها.